INCONTRU REGULAR TRIMESTRAL MEMBRU ONG HO DDO (CHEFI DEPARTEMENTO PLANEAMENTO DEZENVOLVIMENTO DISTRITAL) A

Enkontru Regular Membru's iha dala ikus ba tinan 2012.

"Planu Dezenvolvimento Distrito Viqueque ba Tinan 2013, halo preparasaun ho membru's ONG lokal sira konaba AGM iha FONGTIL"

Wekeke, 12 /12/2012
DLO Viqueque

 Iha Enkontru regular ne'e mos Sr. DDO (Chefi departemento planeamneto dezenvolvimento distrital) up date informasaun geral konaba Planeamento Distrittal ba tinan 2013. iha lia dahuluk hatete katak kuandu ita halao planeamento ita konvida ema barak mak lamai partispa, maibe kuando iha ezkutasaun orsamento ona ne'e ema barak mak sei partisipa, ida ne'e mak sai hanesan obstaclu ka defikulta planeamento distrital nian.

Metodologia planeamento distrital nian ne'e mai husi ou ka halao tuir matadalan nebe mak derige husi Nasional mak hanesan planeamento no Elaborasaun Envestimento.

ONG sira halao planu bele bot maibe nia fokus deit ba fatin nebe mak sai ona targeto, maibe estado nia progarama ka halo planu ne'e buat ida ne'ebe mak luan tebes e kobre buat hotu-hotu iha distrito nia laran.

Koalia konaba planu ne'e fasil maibe ita atu halao ne'e mak persiza de pasensia atu intende buat hotu-hotu nebe mak atu ita halao.

Iha tinan 2012 ita nia programa ka projecto PDD 1 atinji ona 40%, nebe mak refere husi projecto hamutuk 35, projecto nasional latama iha parte ne'e hanesan mos uma Administrador sub-distrito viqueque nian ne'e projecto nasional.

 

Kuandu ONG sira hakarak atu kritika ka kontra hodi halo kontrolasaun ne'e bele maibe labele hapara programa ka projecto ida ne'e hola parte ba ita nia dezenvolvimento distrito nian se ita hakarak hapara bainhira mak bele halao fali programa ka projecto hanesan ne'e. persiza tempo naruk halao planu ba programa ka projecto ida deit.

Projecto PDL ne'e utiliza orsamento poupansa husi distrito, balun ita implementa ba projecto komunidade hanaran KIK, ne'e hakarek ona iha Lei Artigo .11.

Oinsa mak bele hatene implementasaun programa ka projecto iha distrito laran, ita persiza atu tur hamutuk no halo reuniaun iha kada fulan tolu dala ida atu nune'e ita bele hato'o ou ka fahe informasaun konaba rai laran e programa ka projecto nebe mak halao ona iha ita distrito laran. esperansa bot ba oin ita sei bele nafatin tur hamutuk hodi hanoin lisuk ba dezenvolvimento distrito nian iha futuro. dala barak mos ita nia administrador distrito lamarka nia prezenca iha enkontru sira nebe mak sosiadade sivil sira organiza. ida ne'e mak halo ita laiha konfiansa no hamenus ita nia kontrolasaun iha prosesu tomak.

Perguntas husi Membru ?.

Iha parte seluk oinsa kuando kompanha sira nebe ak halao servisu maibe to'o ona tempo de servisu nebe mak atau iha papan nama ou ka kuadru servisu ne'e remata ona maibe sira sei kuntinua servisu nafatin no dala ruma hotu ona maibe sira foin mak atu hahu halao servisu, iha desizaun ruma ka lae....?

Administrador sira so bele halo fo deit osan iha 30 hari/loron, se liu husi ida ne'e labele ona. ida ne'e mak failha iha BIROKRASIA DE ADMINISTRASAUN NASIONAL, prosesu hetan projecto KIK ne'e halao mos liu husi tenderizasaun, se wainhira laliu ona mak sei entrega dereita ba Chefi do suco hodi implementa ho naran KIK.

Tmaba sa agora ne'e SEFOPE mak implementa fali Obras Publika nia Servisu ?.

ida desizaun mai husi nasional no ministerio kompetente ne'e laos ami nia kbi'it sa tan hanesan DDO, ne sei labele hapara projecto ne'e.

Tinan 2013 MAE iha ona palnu nebe mak sei implenta tuir planu ...iha projecto 27, no 175 projecto PDS nebe mak derige mai husi suco ida-idak, kada suco ida projecto lima.

 

PROGRAMA KONG DE KORASAUN BA VETERANOS NO KLANDESTINA IHA DISTRITO VIQUEQUE

Veteranus no Klandestina nebe simu Kongdekorasaun mai husi Sub-Distrito Lima (Sub-Distrito Viqueque, Ossu, Lacluta, Uatulari no Uatucarabau)

Wekeke, 15 / 12 / 2012

DLO Viqueque.

Kongdekorasaun ne'e orgasiza husi Komisaun de Homenagem Distrito Viqueque, no hodi konvida Veteranus no Klandestinha mai husi Sub-Distrito Lima Iha distrito viqueque. Kongdekorasaun ne'e hahusi dader horas tuku 08.00 to,o 18.00 otl. maske loron manas maibe ita nia Veteranus nomos Klandestina sira lasente katak manas mabie ida hanesan fiar no konfiansa ida nebe mak gover ka estado rasik mak fo hanesan kongratulasaun ida ba sira esforsu no sakrefisiu hodi kontribui ba luta ida ne' iha tinan naruk nia laran.

 

Seremonia kongdekorasaun ne'e hetan partisipasaun maximu husi Autoridades lokasi hanesan : Administrador Distrito, Komandante PNTL distrito, Forsa F-FDTL, 

loke seremonia ne'e mak Sr. Administrador distrito Fransico da Silva.

Simu Kongdekorasaun ne'e hamutuk ema nain 1426, ema. nebe mak husi sub-distrito lima distrito viqueque.

momentum ne'e hanesan momentum foun ida ba komunidade distrito viqueque, tamba iha ona atensaun husi governo ba ita nia luta nain sira.

 

maske nune'e iha mos Veteranus no Klandestina balun mak sedauk simu no lahetan tamba naran sedauk iha, tuir informasaun katak sira nebe mak naran laiha sei prosesu ne'e ba iha nasional hodi identifika fali failanco nebe mak akontese ona, balun sente, Veteranus no klnadestina balun mak sente hirus uituan tamba sira lao husi fatin nebe mak dok maibe to'o iha fatin edauk hetan buat ida. maibe sira koko atu pasensia deit tuir realidade nebe mak sira hasoru ona...

 

PESKIZASAUN BA KOMUNIDADE DISTRITO VIQUEQUE SUB-DISTRITO LIMA

Programa Peskizasaun ba Komunidade Agrikultura, Vendedor, Negosiantes, no Emprezaria Lokal.

"Halo Perbandingan (Study Comparativu/Study Kelayakan) ba Rendemento To'os Nain sira iha Parte Rai Foho no Rai Tetuk" 

Wekeke, Outobro, Novembro, 2012

REDE Advokasia, (Divizaun Monitorizasaun Sr. Justinho S. Jeronimo)

Programa ne'e halao iha Distrito Viqueque, Sub-distrito viqueque, kompostu husi Viqueque Villa, Ossu, Lacluta, Uatulari no Uatucarabau. iha kada sub-distrito ida, Suco Rua (Suco Irabin decima, Afaloikai, Ossu decima Ossu Liaruka, Uma Tolu, Lalini, Makadiki Babulo,Ba hetanhalara wain, Bibileo) mak sai hanesan targeto ba peskizasaun ne'e.

Porgrama ne'e hetan suporta husi MKIA (Ministerio Komercio Industrito no Ambiente). Implementador mak ONG Nasional BELUN hodi liga ba iha Monitoring distrito, Subu-Distrito sira.

Hasoru malu dereita ho Autoridades lokai/Autoridade Comunitari, Extensionista, Vendedor, Negosiante, To'os Nain, Eprezaria lokal.

Objectivo, Atu hatene lolos saida mak realidade husi buat nebe mak komunidades sira infrenta iha sira nia moris lolor - loron. atu ministerio bele hatan ba saida mak sai hanesan preukupasaun ka defikuldade komunidade nian iha base.

Rezultado, nebe mak hetan husi komunidade (Egijensia) Recomendasaun :

Komunidades recomenda ba iha Ministerio atu promove ami nia produto lokal, tamba dala barak ita importa sasan  mai husi rai liur no la fo vantagem ba ita nia produto lokal nebe mak ita iha. produtu lokal nebe mak oras ne'e ami iha ami labele asesu diak ba iha mercadoria, no rendemento nebe mak ami iha dala barak ami uja barak li ba iha vida fetsa Umane (Tradisaun lokal komunidades). realidade baze hatudo momos katak ita iha area ka kondisaun lokal admiti (Potensial) tebes ba iha agikultura.

Iha postal ka kuadro de avizu barak mak fo sai katak "POVU KUDA GOVERNO SOSA" maibe realidade hatudu katak POVU sei kuda nafatin maibe GOVERNO sei SOSA nafatin mai husi Rai Liur/Estrageiro. dala barak ema konsumidor sira hatete katak ai-han rai laran nia kondisaun mak la saudavel maibe Governo prepara ona saida ba iha komunidade (kondisaun). ida ne'e mak halo komunidades sira sente katak sira lafolin iha komunidades internasional sira matan katak ou tamba 'Sei Mukit no Kiak". iha parte seluk mos sira lamenta konaba estrada ladiak ne'e mos difikulta sira nia rendement agikultura alabele asesu ho diak iha mercadoria.

Governo lafo atensaun maximu hodi eduka komunidade sira oinsa bele hadiak kualidade de produtu, mercado no oinsa bele halo to'os ho kualidade.

Hare husi parte seluk produtu nebe mak Governo Importa husi rai liur ne'e nia folin sae nafatin maibe komunidade sira nia produtu sei tun no nafatin  deit... e pior liu ema barak mak la sosa....ida ne'e sai hanesan defikuldade bot tebes ba iha komunidades iha area rural e mos villa.

Metodologia : intervista kada ema ida-ida, fokus group diskusaun.

Intervistador: Justinho S. Jeronimo (Hp. 77434574/77116979)

Egijensia maka'as husi komunidade mak:

• Estrada
• Educasaun ba Agikultura sira oinsa bele hatene halao sira nia vida negosiantes ba produtu lokal.
• Fasilitasaun ba material's de agrikultura.
• Prepara kondisaun mercadoria nebe mak saudavel no livre husi foer.
• Prepara be'e ka bele halo irigasaun nebe mak sustentabel, no labele hein deit ba iha udan ben mak bele halo servisu.
• Fo atensaun maximu ba ami povu ki'ik vida moris agikultura ho mais de fasilitasaun, atu nune'e ami bele hadiak ami nia skill de produsaun iha vida agrikultura, negosiante, ka negosiante nebe diak.