UMA QUARTEL GERAL PNTL DISTRITO VIQUEQUE

KONSTRUKSAUN QUARTEL GERAL PNTL DISTRITO VIQUEQUE REMATA

Viqueque, 28 / 11 / 2012

DLO Viqueque 

 Konstruksaun ne'e halao iha Villa Distrito Viqueque, Sub Distrito Viqueque, Lokasi Betisin/Bescam Beloi, besik Oli pezado nia Sorin.

 Uma ne'e remata ona no hein deit ona atu entrega savi ba parte kompetente.

Uma nia tampakan husi sorin......

Uma nia tampakan husi Kotuk.....

Uma nia Fatin iha laran no sala sira......

LOKE ESTRADA FOUN HUSI DISTRITO VIQUEQUE BA DISTRITO MANATUTU

MONITORIZASAUN BA ESTRADA FOUN IHA WE-KFIA (WELOLO/TRANS SP 4) SUB-DIST.VIQQ, DIST. VIQQ

KONSTRUKSAUN NE'E DERIGE DEREITA HUSI Sr. PREZIDENTE DA REPUBLIKA

Viqueque, 25 - 27 / 11 / 2012

DLO Viqueque

Servisu konstruksaun ba Estrada Foun ne'e agora lao dadaun hela mais ou menus iha ona Kilometru 21 Km. maibe servisu ne'e sedauk to'o iha nia rohan, no kuntinua nafatin.

Estrada Foun ne'e konstrui atu liga Distrito Viqueque to'o ba iha Distrito Manatutu, ne'e sei hahu husi We-Kfia sei mosu iha Kribas - Manatutu.

Estrada ne'e entrega ba Veterano Sr. Terra hamutuk ho Kompanha Finlos Unip.Lda.

tuir observasaun komunidades iha fatin refere ....estrada ne'e kuando loke ona ami sente diak ona tamba ami uluk atu mai iha vila laran susar tebes tamba ami dok tebes husi Villa, maske nune'e ami tengke lao ain to'o iha Trans SP 4 We-kfia nian mak foin bele hetan kareta atu bele ba iha Viqueque Villa. maibe agora estrada ne'e remata ne'e ba sente kontente los tamba ami bele ba iha kribas no ami bele ba iha viqueque, tamba ami hela los iha Rai nia Klaran husi Viqueque no Manatutu nia povu ki'ik nebe mak hela dok iha  le'et.

  (ESTRADA HAHU HUSI NE'E)......We-Kfia Trans SP 4

ami husu ba governu atu tulun nafatin para estrada ne'e bele halo to'o remata para bele fasilita ami povu ki'ik vida agrikultura. rai ne'e uluk kedas iha avo sira nia tempo ami hela kedas na iha ne'e, no iha tempo indonesia mos hesan ....iha ne'e mos fatin ida uluk ita nia Falentil sira sempre mai halo enkontru....nsst...e to'o Falentil sira balun nia rate  sei iha balun Familia sira mai hetan ona no lori ona ba iha Metinaro, maibe balun mos sedauk ke'e sai sei iha hela ne'e, balun ami hetan nia ruin ho bikan mak sei iha nafatin, e   balun ami hetan deit nia ruin ho farda mak iha no ami rasik ke'e ona lori ba hakoi fali iha Rate.

Dalan ne'ebe mak sira loke ona no atero to'os ona............................

Estrada fou n ne'e furak tebes......

Komunidades mos barak mak hela iha fatin refere mas dok ...tebes....(izolado)

 DLO Viqueque hamutuk ho Rede Sira ba Obaserva ou ka Monitoring iha Fatin......

Mensagem husi ami ba maluk sira husi rai ulun to'o rai ikun karik familia Falentil balun uluk reziste iha funu ne'e sedauk hetan sira nia ruin karik bele mai hare no buka iha ne'e............

KOMEMORASAUN LORON INDEPENDENSIA BA DALA 37 IHA DISTRITO VIQUEQUE

Governo Lokal no Komunidades sente Triste ho Komemorasaun Loron Independesia ba dala 37 iha Distrito Viqueque

Viqueque, 28 /11 /2012

DLO Viqueque

Komemorasaun ne'e lao ladun iha partisipasaun maximu husi Lideranca Lokal/Autoridades Lokal no mos Komunidades iha Distrito Viqueque la lao hanesan tinan hirak kotuk liu ba.....Razaun ida tamba barak liu husi Lideranca Governo ka Kumunidades sira hetan konvite hodi ba partisipa iha Selebrasaun 100 Anos Luta Dom Boa Ventura iha Distrito Same - Maun Fahe. Kondisaun ne'e halo komunidades, Veteranos sira sente hanesan Rai Viqueque ne'e fuik.

Maske nune'e Komemorasaun ne'e Lao nafatin tuir data ne'ebe mak iha no hetan partisipasaun husi komunidades balun no mos Lideranca Governo Lokal sira.......iha momentu ne'e mos Presidente da Meja de Honra Le'e sai Diskursu ka Mensagem husi Presidente da Republika iha Komemorasaun ne'e nia laran.

Tema Komemorasaun ba Dala 37  ne'e mak " HALUHA PASADO no HATEKE BA FUTURO",  funu ida ne'e laos deit mai husi 75 deit maibe hahu ona husi 1912 ne'ebe hahu husi Dom Boa Ventura aspira ba Luta Ukun Rasik an ida ne'e no iha tempo tuir mai 1975 mak iha ema nain tolu mak ba vizita iha Feto Faluk Dom Boa Ventura mak hodi hatutan funu ne'e mai to iha ita nia ukun rasik an ida ne'e "Loriku Asu wain sira Fila Fali Ona" tema ida ne'e mak mosu iha momento vizitasaun ne'e. tamba ne'e tempo atu ita hamutuk no oinsa labele atu estraga malu hodi nune'e ema seluk labele mai ukun nafatin ita.....hamutuk maske lahalo buat barak maibe ita sei bele halo buat ida.

ita hai ona relasaun Bilateral no Multilateral ho Nasaun sira ne'ebe mak ita nia Vizinho, CPLP Nasau Inidas, Kubano, Uniaun Europeian, no nia mak simu ona Novel da Paz ba Timor ida ne'e. ita fiar katak iha tina oi mai ka 2013-2014 ita koko atu bele hamutuk no persiza partisipasaun maximu husi komunidades ne'e parte ida ne'ebe mak importante tebes para bele asegura ita nia Dezenvolvimento no bele sai Autor ida ba Dezenvolvimento ho "Honestidade no Imparsialidade ba Futuro. hato'o Diskursu husi Preziente Meja da Honra

MONITORING PROJECTO PONTE DILOR

 PROJECTO PONTE KA MOTA DILOR SAI OBSTACLU BA KONTRAKTOR NO KOMUNIDADE

Viqueque, 25 /11 /2012
DLO Viqueque

Konstruksaun halo Ponte bot ne'ebe mak atu junta Distrito Rua (Viqueque no Same), ne'e sai obstaclu ka ameasas bot ba kontraktor no mos ba komunidade sira ne'ebe mak hela metin iha fatin refere, tan ne'e konstruksaun ne'e halo para bele responde komunidades nia preukupasaun.

"Airin ida ne'e halo uluk iha kompnaha ida konstrui primeiro".

Konstruksaun ne'e halao ona iha tinan tolu nia laran ona no troka kompnha atu konstrui ne'e mos dala hira ona mibe sedauk hetan rezultado ne'ebe mak hatudu positivu. agora dadaun ne'e iha kompnha husi Indonesia ida join hamutuk ho kompnha loal husi Baucau. iha fulan kotuk DLO ba monitoring uluk ona ne'e servisu sei lao hanesan bai-bain maibe foin lalais iha data 25 /11 / 2012, DLO ba fali follouw up fali monitoring ne'e realidade servisu parado no laiha trabalhador ida mak iha ne'eba so iha mak Makina hanesan buldozer, Loder ou ka Ecxa sira ne'ebe mak at't hotu ona ne'e mak iha maibe trabalhador sira rasik laiha fatin refere. kompanha indonesia "DMT", ninia tecnik ho trabalador sira ida mos laiha fatin no agora parado.
                                                                                            "Makina ne'ebe mak at tia ona"

Konstruksaun ne'ebe mak sira husik hela ne'e mak, sira hatur ona Ai-Rin Tolu (Ida iha Rohan Mai, Ida Iha Klaran no ida Iha Rohan sorin ba) tuir observasaun DLO ida ne'e hatu ona katak realidade ita hakarak entrega obra ba kompanha bot husi Rai Liur maibe halao servisu la ho komitmento. ne'e hanesan failansu ne'ebe mak halo estraga osan barak no gasta orsamento ba item de obra bara-barak maibe servisu la to'o nia rohan.

Husu ba Governo Timor Leste atu bele hare no bolu dereita kompanha Indonesia (Komp. DMT) ne'e atu responsbiliza ba obra ne'ebe mak nia husik hela ona iha fati n refere. ida ne'e hanesan Erro bot ne'ebe mak ema rai liur sira mai hatudu ba ita timor oan.

 "Airin ne'ebe mak konstrui husi Kompanha DMT iha tinan ida nia laran 2011-2012".

 Agora konstruksaun ne'e la halao ona no parado lahate ne' tamba kestaun saida maibe DLO sei koko atu halo aproximasaun ba dirasaun komptente.

Husu mos ba Divizaun advokasia FONGTIL atu bele halo prosesu Advokasia ba Miisteriu Kopetente iha fatin refere tamba ne'e hahalok ida ne'ebe mak la fo benefisiu diak ba ita nia komunidades e gasta orsamento e Estado arbiru deit maibe servisu laremata no husik tia deit.

MONITORING PROJECTO EMERGENCIA MOTA WELOLOO

Projecto Penetralan / Normalizasaun Mota Welolo, (Rai Henek Taka Metin Ponte nia Okos)

Viqueque, 25 / 11 / 2012

DLO Viqueque.

 

Ponte Welolo iha tempo naruk nia laran kuando iha mota bot sempre estraga bebeik komunidade ne'ebe mak hela besik iha neba. iha tinan naruk nia laran kuando udan bot no wainhira mota bot tun komunidade sempre evakua hodi buka fatin ne'ebe mak maran hodi hein to'o mota ne'e para mak sira foin bele fila hikas ba sira nia uma fatin, wainhira sira fila ikas ba sira nia fatin !!, uma ne'e nakonu ona ho tahu ka be'e ne'ebe mak nakonu iha sira nia uma laran.kondisaun hanesan ne'e lao ona iha tempo naruk nia laran ona.

                                                                                    "Ponte Welolo"

Chefi do Suco Luca hato'o proposta ne'e ba estado kompetente atu bele hare kondisaun ne'e. ho razaun hirak ne'e. iha primeiro etapa konstruksaun Penetralan ne'e entrega uluk ba Kompanha Lokal ida naan SALURIT Uipessoal L.da, maibe to'o ikus iha mudansa ba konstruksaun no entrega dereita ba Estado Nasional mak halao servisu ba Obra refere.

Servisu ne'e agora dadaun konstrui dereita husi Estado Nasional, no obra servisu ne'e lao ona iha Fulan Rua (2 fln) nia laran ona, makina ne'ebe mak halao servisu ne'e BULDOZER no ECXA Rua (2). sira koko hasa'i no hasa'e ona rai henek ne'be taka netik ponte nia okos ne'e ba iha rai liur ou ka mota nia ninin no halo mota ne'e sai luan tan ona. Wainhira DLO ba monitoring hodi dada lia uituan ho Pelaksana no ADN Distrito Viqueque nia iha konsruksaun fatin / Mota Welolo. hetan informasaun katak, kondisaun rai henek ne'ebe mak sira hasa'i ou ka hasa'e ona ba iha mota ninin ne'e, sedauk bele garanti lolos katak aban - bain rua sei lamonu tan.....tuir observasaun katak ne'e persiza halo LOS MOTA ne'e atu labele iha KURVA, se nafatin iha Kurva mak aban bain - rua rai henek ne'e sei monu tun fila fali deit ba iha mota laran no sei taka nafatin deit ponte nia okos. tamba kundu mota bot be'e sei lori neneik rai henek ne'e tun fila fali mai iha mota laran, no wainhira to'o iha fatin kurva ne'e be'e ne'e sei tebe fali rai henek sa'e hikas fali mai iha ponte nia okos entaun sei nakonu fila fali deit iha ponte ne'e nia okos. hateten pelaksana IGE (Equipamentos)Sr. Joao.

Tuir observasaun DLO ne'e persiza iha alternativu seluk para bele responde ho diak atu nune'e wainhira konstruksaun ne'e remata komunidade sira bele hela metin ona iha sira nia uma ida-idak.

Alernativu ne'e mak sira atu foti hodi responde ba kondisaun ne'e mak tengke loke tan mota ne'e ba mota ida seluk tan, hodi nune'e bele derige be'e bele fahe ba fatin rua. mota ida atu fahe ne'e mak mota ida ne'ebe mak iha Sub-Distrito Lacluta Suco Uma Tolu. ADN Distrito Viqueque Sr. Jeronimo Soares (hp. 77296957). alternativu ne'e ADN halo konsultasaun ba iha Sr. Chefi do Suco Uma Tolu, maibe sedauk hetan informasaun klaru katak bele loke tan hodi fahe mota ne'e ka lae..? ne'e sedauk hetan solusaun tuir alternativu ne'ebe mak ADN rasik propoin ba iha komunidade no Sr. chefi do suco. hateten Sr. ADN.

DLO Vqq mos hato'o sugestaun ne'e ba Sr. ADN atu bele halo fila fali konfirmasaun ida ba iha Sr. Chefi do Suco Uma Tolu hodi hetan rezultado.

 Ponte nia okos komesa loke luan ona no be'e ne'e bele sulin sai hikas fali ona ba iha sorin.

Konstrksaun ne'e sira dudu rai henek ne'e ba ona iha mota nia ninin, maibe sedaun remata, kondisaun seluk, mak persiza servisu hare iha parte kurva iha kraik ne'e atu halo los para be'e labele salta iha ne'eba para rai henek labele bou hikas iha nia leten.

 Equipamentus no Fatin TRabalhador sira nian.

 DLO hasoru malu ho ADN Distrito ho mos Pelaksana hodi dadalia konaba konstruksaun Refere

Sr. ADN (Jeronimo Soares)

Konstruksaun ne'e faoin lalais para tia iha loron Rua (2) nia laran ona tamba stok BBM (Mina) laiha ou ka hotu tia ona no sira halo ona request ba iha Estado Nasional para bele haruka tan mina mai mak sira bele kuntinua servisu nafatin to'o hetan rezultado tuir komunidade sira nia hakarak. hateten Pelaksana Sr. Joao.

Encotru Preparasaun Conselho Juventude Distrito Viqueque (CJDV))

Programa Intercambiu Juventude iha Ditsrito Same -Manufahi

 Viqueque, 22 / 11 / 2012

Objectivu : Intercambiu Juventude 13 Distrito hodi Selebra mos 100 Anos ba Dom Boa Ventura, ne'ebe sei halao ho Seremonia Ritual Nahe Biti Bot hodi hisik Matak Malirin ba gerasaun foun.

Partisipantes Juventude ne'ebe mak CJDV organiza ba Intercambiu ne'e : Juventude ne'e mai husi Delegasaun Suco's Bairo's no mos Estudantes hamutk ho Estrutura Xave CJDV, ho total partisipantes iha
iha Intercambiu ne'e mak hamutuk ema nain 26 (Feto 7 no Mane 19).

iha momento ne'e partisipa mos husi Official SEJD Distrital Sr. Agostinho Soares Pinto (hp. 77466617) ho  Sr. Izak da Cruz (hp. 77289774) 

Programa ne'e mos mai husi Nasional  ho orizente deit e halo ami ba oin ka kotuk mos ladiak hotu tamba ne mak kondisaun mak hanesan ne'e e ami fiar katak CJDV iha ona esperiensia barak iha Intercambiu dala hira  liu ba ne'e, ami hein katak buat hotu sei lao tuir planu ne'ebe mak iha ona no ita sei halao tuir deit saida mak Komisaun Organizadora sira derize ona mai ita.

Iha parte seluk Official SEJD Distrital organiza deit mak Juventude sira ba Intercambiu, Morador sei Organiza husi Educasaun Distrito, lia nain etrega ba iha Administrador Sub-Distrito ida-idak atu organiza sira nia lia nain mai husi suco ida-idak

Orsamento hodi organiza ba Juventude ba Intercambiu ne'e hamutuk $. 1.200.00, ne'ebe mak fasilita husi SEJD Nasional.

Partisipasaun Juventude iha Intercambiu ne'e sira lori mos ho Toursa da Paz ne'ebe mak uluk sira simu atu aprezenta mos iha Intercambiu ne'e.
 tuir planu sira sei arangka iha 23 / 11 / 2012.

Intervista Preparasaun Partisipasaun Distrito Viqueque ba 100 Anos Dom Boa Ventura Distrito Same

Dada Lia Badak ho Sr. Chefi do Suco Uma Uain Craic ne'ebe mak Nain ba Dom iha Distrito Viqueque.

Viqueque, 22-23 / 11 / 212

1. Dada Lia ho Sr. Chefi do Suco Uma Uain Craic.

Dada lia badak ne'e konsege hamosu polemiku polemika de Kultural ne'ebe interesado tebes ne'ebe hahu husi Funu Kerajaan ou ka Liu Rai, Wekeke iha tempo pasado entre Dom Wekeke (Dom Mateus) ho Dom Manufi (Dom Boa Ventura).

Ligasaun Dom Wekeke "Dom Mateus" ne'e moris rasik ho rai nia hun ne'ebe mak Bou'u no Tate husi Reinu ka Povu Wekeke hodi ikus mai hamosu fali Suco Uma Uain Craic ho fo naran ba rai Wekeke husi Liu Rai Dom Mateus Wekeke. iha momento ne'eba Liu Rai husi Suco Sia to'o Uatu Lari, Uatu Carabau, Ossu no Lacluta mai konsentra hamutuk iha Distrito Viqueque hodi ba halo funu iha Same - Manufahi (Maun Fahe), istoria badak ne'e hato'o husi Sr. Chefi do Suco Uma Uain Craic (Angelo Miguel da Silva/Dom Sesto ba Rai Wekeke). razaun hodi fo sai hanoin ida tamba Lidernca Governo Lokal la Valoriza Kultura ne'ebe mak Bei-Ala sira husik hela mai gerasaun ba gerasaun, ho ida ne'e mak halo Sr. Chefi do Suco Uma Uain Craic la satisfeitu e la halo tuir desizaun ne'ebe mak Lideranca Governo Lokal sira deside, tuir lolos atu ba partisipa iha 100 Anos Dom Boa Ventura nian iha Same ne'e tengke hetan partisipasaun maximu husi Suco Sia iha Distrito Viqueque atu konsentra hamutuk iha Liu Rai Inan Aman (Dom Wekeke) nia fatin mak foin bele lao hamutuk ba iha Same. maibe tanba hare husi perte seluk lideranca lokal sira la lao tuir hirarkia de Kultural mak  Bei-Ala sira nian ida hanesan "Manas" ida ne'ebe mak uluk Liu Rai sira halo ba malu iha tempo pasado ba, tamba ne'e ita persisa atu halo tuir uluk lai saida mak ita nia Liu Rai Be-Ala sira halo ona  ba malu. hare ba preukupasaun ne'e importante tan ne'e Sr.  Chefi do Suco ne'e foti desizaun hodi la marka nia prezenca iha 100 Dom Boa Ventura nian iha Same.

Sr. Chefi do Suco Uma Uain Craic rasik hatau netik ni-nia bahen lia nain sira atu labele tuir hodi TOTA LIA, SUDAN LIA ou ka SARAN LIA iha mota Sahen ne'ebe mak sei simu ho Bua Malus iha Same tamaba ne'e buat moruk ne'ebe mak uluk Bei-Ala sira halo at' ou ka dia'k ba malu ita ikus ne'e lahatene ona halo tuir lolos maibe oinsa mak ita buka atu hadiak fali. e buat hirak ne'e ita buka atu saran tuir deit ba programa do Governo nian ne'ebe mak planea ona.

Wainhira atu ba partisipa iha Selebrasaun 100 Anos Dom Boa Ventura, Liu Rai hotu-hotu tengke mai ho ida-idak nia Baba no Bandeira, atu nune'e bele hatene ita nia identidade Kultural husi Liu Rai ka Dom ida-idak nia lisan rasik ne'ebe mak Be-Ala sira hatur nanis ona. hateten Chefi do Suco Uma Uain Craic.

Orsamento ne'ebe mak uza hodi organiza Lian Nain Distrito Viqueque mak hamutuk $. 8.900.00.

Partisipasaun mai husi Lideranca do Governo ou Autoridades Distrital, Juventude, Estudantes, Chefi do Suco's, Lia Nain husi Sub-Distrito lima Distrito Viqueque.

 

2. Dada Lia ho Sr. Administrdor Sub-Distrito Viqueque.
Hare ba failnanso hirak ne'e DLO koko atu konfirma tan informasaun husi Administrador Sud-Distrito Viqueque ne'ebe mak sai hanesan organizadora distrito nian ba Selebrasaun 100 Dom Boa Ventura iha Same.

Iha selebrasaun ida ne'e hanesan pengalaman bot ida mai ami lideranca lokal atu hare no define didiak ho ami nia Cehfi do Suco tenke tur hamutuk hodi foti desizaun ka solusaun ida deit para bele organiza eventu ruma tuir mai ho diak liu tan, tamba foin lalais ne'e ami rona deit ou simu deit informasaun mai husi ami nia dirasaun nasional, no informasaun ne'e mos mai ho orizente deit tamba ne'e mak halo ami lakon kordenasaun diak iha ami nia birokrasia administrativa no lakon konfiansa ba malu, maibe hau hakarak hatete lolos ktk, ami mos la sala, so ami lakon konfiansa mai husi kraik.

Los duni ktk programa ne'e refere liu ba iha Kultura ou ka Nahe Biti Bot Matak no Malirin, hodi halo tuir saida mak ita nia Bei-Ala sira halo ona iha tempo uluk nian. ho ida ne'e ami organiza ka konvida lia nain hamutuk 24 mai husi Sub-Distrito lima Distrito Viqueque,  atu ba partisipa iha Selebrasaun refere. ho total orsamento hamutuk $. 8.900.00, no osan ne'e wainhira to'o iha Same mak sei entrega dereita ba sira, hanesan Bua ka Malus ida ou ka Sigaru ruma ba sira durante iha ne'eba.

Konaba ba Chefi do Suco Uma Uain Craic la partisipasaun iha Selebrasaun ne'e ? husi parte Governo ne'e hau hatete ktk los maibe husi parte kultura ne'e ktk ami sala e falta de kordenasaun entre ami lideranca lokal hamutuk ho Chefi do Suco sira hotu, tamba " buat ida Maroka sei bele  Perdua Ema ....Maibe Kultura sei La Perdua Ema, " ida ne'e mak halo ita sente tauk no hau nia hare ktk ne'e parte ida ami sala.
Distrito Viqueque sai nain ba Distrito tolu hanesan Baucau, Manatuto no Lautem, hodi ba iha Same no  sei simu ho kultura iha mota sahen Same.

Chefi do Suco Uma Uain Craic (Angelo Miguel da Silva Soares) Dom Wekeke

lia ikus ktk agora ami iha Distrito ne'e rona deit saida mak mai husi Nasional (Centralizado), se atu lao diak ita persiza atu aloka mandatu ne'e mai iha distrito para ami bele halo kordenasaun diak  ho ami nia Amo Chefi do  Suco sira. selebrasaun ne'e atu ou sei fo hanoin mai ita atu Fiar malu, rona malu, no sei koko atu servisu hamutuk no la haetakk malu ba loro  sae no loro monu. hateten Administrador Sub-Distrito Viqueque.

REDE ADV Wekeke Servi Informasaun ho Kualidade e Actual

/home/kau/Desktop/rede.jpg
DLO Viqueque hamutuk ho Rede Advokasia Distrito Viqueque fasilta informasaun aktual no qualidade.

Liu husi .....DLO Viqueque......

Kordenasaun, Kapasitasaun, Advokasia no Dezimina Informasaun................

Foto Aktividade nebe mak halao husi CJDV Organiza itercambiu Juventude Same ho Juventude Viqueque iha Fatin Istorico Kraras Tahu Bein............

 Aktividade Encontru Ekipa Observador Husi REDE ADVOKASIA Viqueque ba Eleisaun Prezidensial Primeiro Rounde...........Organiza Husi DLO Viqueque....

 Aktividade Sosializasaun CJDV ba Estudante Liceu 4 de Setembro Viqueque konaba Papel Juventude iha Prosesu dezenvolvimento nebe hetan suporta husi CARITAS Australia

 Aktividade Ziarah nebe partisipa husi Lideranca do Governo Lokal no Nasional iha fatin Levantamento Kraras Tahu Bein nebe organiza husi Mate Restu Kraras Oan...........................

Aktividade CVTL LSBE ba Estudante sira konaba Primeiro Siqoros (P3K).....nebe fasilita husi CVTL distrito viqueque........

 

 Observasaun DLO Viqueque ba Aktividade Komunidade husi Suco Uma Uain Craic Distrito Viqueque....Sub-Distrito Viqueque..................................

Area nebe mak ho potensial nebe mak maka'as tebes ba Agrikultura liu -liu iha parte halo to'os no Natar..................


Komunidade fatin refere sira nia rendemento mai husi vida agrikultura....

 Komunidade nebe mak iha fatin ne'e dok husi vila, falta de transportasaun tamba estrada ladiak, kuando tempo udan sira labele lori sira nia rendemento de produtu lokal ba faan iha merkado tamba estrada ladiak, iha parte seluk mos kuando inan isin rua sira nebe mak besik atu partus tenke lori antes mai iha familia nebe hela iha vila laran molok atu parus tamba kondisaun estrada ladiak halo komunidade sira sente triste .....

 fatin nerefe naran Centru wetali ho populasaun mayoria vida moris agrikultura e pescas, ho montante populasaun hamutuk 877 kk e 102 jiwa, mai husi ferik, labarik, klosan no idozu....






Riku soin nebe mak fatin ne'e iha mak sira iha be'e horis nebe mak nia sei sulin no lamaran e oras ne'e dadaun mos sira uza be'e ne' ba halo sira nia natar. akvidade barak liu sira iah natar duke ba iha pescas. natar nebe mak oras ne'e sira utiliza ona ba ho nia naruk ka luan hamutuk hektares 98.....resin maibe ida ne'e foin mak tama iha etapa primeiro......no sia sei halo  planu atu loke luan tan area ne'e atu bele halo mos koperativa ruma hodi bele fasilita sira nia rendemento ne'e bele mai to'oiha bazar ou ka merkado.

be'e ne 'e mak fo moris ba komunidade fatin refere durante tinan naruk nia laran.........

 be'e ne mos iha tempo pasado sira nia beiala sira uza be'e ne ba hodi halo natar hanesan mos agora sira utiliza nafatin ba halo natar...........

 Sr, Chefi do Suco halo viazem alam ida hamutuk ho DLO Viqueque atu bele hare pontesial rai ou ka riku soin husi suco refere karik iha atensaun ruma husi ita nia governo.