SOSIALIZASAUN POLITIKA NASIONAL BA EMA DIFISENSIA

Sorumutuk ba Sosializasaun konaba Politika Nasional ba Ema Difisensia iha Distrito Viqueque

Sosializasaun Politika Nasional ba Ema Difisensia ne'e halao iha salaun administrasaun Distrito Viqueque, iha dia 15 de Novembro de 2012,  horas 08.00-14.25 otl. nia objectivu atu hare no buka defende direitu ema difisensia sira nian iha dezenvolvimento nasional. sosializasaun ne'e importante tebes ba ema hotu-hotu, oinsa bele koalia ba ema difisensia ida, ho hahalok ka maneira ne'ebe bele involve sira nia an iha prosesu dezenvolvimento nia laran. estabelesemento politika ne'e involve Departemento hotu-hotu hodi kopera hamutuk iha grupo de trabalho ba Ema difisensia. hanesan PNTL, Saude, Educasaun, MSS, MAF, SEJD, SEPI, SEFOPE, Sosiadade Sivil (ONG's), nsst. sosializasaun ne'e ho nia intensaun katak oinsa bele respeita no valoriza dignidade ema difisensia sira nia dignidade, liu husi hahalok bolu ho lian ida ne'ebe labele hakanek ema difisensia sira nia sentimento "ita ema norma labele bolu ho lia fuan Alezado, Matan At, Tilun Diuk ou ka seluk-seluk tan, maibe ita tengke bolu ho lian "Difisensia", atu nune'e sira bele simu hanesan ema normal.

politika ne'e dezenvolve iha dia 18 de Maio de 2011, ne'ebe estabelese husi Ministerio hotu-hotu. 

Aktividade Sosializasaun ba loron ida ne'e Abertura loke husi Adjunto Administrador Distrito Viqueque Sr. Jose Sousa (hp. 77288999)

problema difisensia ne'e laos deit iha Nasaun Timor Leste maibe ne'e akontese mos iha mundo mais ou menus 75 %, tipo difisensia hanesan iha Timor mos hanesan iiha rai liur ou mundo.  tuir dadus ne'ebe mak oras ne'e iha katak ema difisensia barak liu iha Distrito Ermera, Baucau, Viqueque no Ai-leu, dadus ba ema difisensia oras ne'e dadaun lao hela iha ita nia komunidade sira le'et.

iha prinsipiu  hatete katak ita ema normal labele kria fali diskriminasaun ba ema difisensia sira, no buka atu oinsa bele involve sira, no fo oportunidade ba sira atu nune'e ita bele kompleita malu liu husi informasaun ka buat seluk ne'ebe mak karik sira mos bele hanesan ema normal. buat hotu-hotu ne'ebe mak ema normal halo dalaruma ema difisensia sira labele halo no buat balu sira bele halo maibe ita labele halo, tamba ne'e oinsa ita bele kopera hamutuk, fahe esperiencia ba malu, loke laran ba malu atu ita bele sente katak prosesu dezenvolvimento ne'e lao tamba ita hotu-hotu nia partisipasaun no ita nia kontribuisaun hodi hetan moris ne'ebe mak diak no properiadade ba ita nia Nasaun.  hatete Prezidente Fundasaun Difisensia TL.

Abertura Aktividade Sosializasaun Husi Sr. Adjunto Administrador Distroto

"MAI ITA KONSIDERA EMA DIFISENSIA SIRA HANESAN MOS EMA NORMAL HAHU OHIN"

aktividade sosializasaun politika ne'e hetan suporta husi ONG Internasional ASERT fo tulun ba MSS hodi kopera hamutuk atu tau matan ba ema difisensia sira.

ekipa de trabalho rasik mos produs ona mata dalan ba dadus hodi halo servisu ba ema difisensia.

Haktuir iha Konstituisaun RDTL katak Estado iha dever hodi promove protesaun direitu ema ho difisensia, nudar sasukat ne'ebe tuir Estado nia kbi'it (kapit. n'2. artigu. 21).